Ingcwethi kwezokulima zithi iJoint Monitoring and Implementation Committee - JOMIC kumele ihlale phansi masinyane ihlaziye udaba lokuthathwa kwamapulazi okulokhe kuqhubeka elizweni.
I JOMIC yikhomithi
eyakhethwa ngemva kokubunjwa kukahulumende womanyano, elamalunga avela
kumabandla onke akuhulumende lo, ukuthi ikhangele ukusebenza kukahulumende , lokuthi uhulumende
lo ulandela izinqumo ezalotshelwana phansi.
Ngemva kokuqala umsebenzi kukahulumende womanyano elizweni kuqhamuke ukuthathwa kakutsha kwamapulazi abamhlophe.
Inhlanganiso emela abalimi abamhlophe i Commercial Farmers Union ibika ukuthi sokuthethwe amapulazi edlula amakhulu amabili phakathi kwangamakhulu amane abelokhe esezandleni zabamhlophe.
UBrenda Moyo weStudio 7 ukhulume loMnumzana Renson Gasela obona ngezokulima kucele lemdc elikhokhelwa nguMnu Arthur Mutambara njalo engumsekeli wesikhulumi salelibandla, othi ukuthathwa kwamapulazi lokhu kuxotsha amazwe angabe efisa ukuphathisa eleZimbabwe ngoncedo.