Uhulumende wazise ukuba selungiselele ukuveza impumela yemihloliso elotshwe nyakenye ngolweSihlanu.
Ekhuluma lentathelizindaba e Harare ngolweSithathu evela emhlanganweni we dale le cabinet umphathintambo wezemfundo u Senetor David Coltart uthe ngemva kokubhekana lenkinga ezithize ezigoqela ukusilela kwe mali lokunye okudingakalayo emsebenzini onje ugatsha lwakhe solwenelisa ukwazisa uzulu ukuba impumela yemihlolisa elotshwe yizifundi nyakenye isizatholakala kusukela ngolweSihlanu mhlaka 22 May 2009.
Uthe imihloliso ka A level
izatholakala ngolweSihlanu 22 May 2009. Eye O level ngolweSihlanu olulandelayo
mhla ka 5 June 2009 kuthi impumela yemihloliso ka grade 7 yona itholakale
zimhlaka 26 June 2009.