Kulamalunga angamakhulu amabili enhlanganiso elwele ilungelo labesifazane, eye Women of Zimbabwe Arise-WOZA abafole beqonde edaleni lephalamende eHarare ngolweSithathu betshengisela besola uhulumende womanyano ngokwehluleka ukuqeda ukuhlupheka kwabantu.
Amapholisa abikwa efunyenwe elibele yilokhu kutshengisela ngoba athe sesithi mehlo suka afumana abeWOZA sebenikeze igwaliba lezikhalazo zabo edaleni lephalamende bahle bazihambela.
Kulezo zikhalazo abeWOZA bathi akulanguquko ekhanyawo asebeyibonile phakathi kwensuku ezilikhulu luhulumende womanyano eqale ukubusa. Bakhala ngokuthi imithetho yokusebenza kuhle kwenthathelizindaba zikhululekile lokhe ingakayekethiswa.