Isilinganiso sentengo yezinto eziphilisa imuli yabantu abayisithupha, iconsumer basket, sesikhwele sedlula amadola eMelika angamakhulu amane lamatshumi amathathu - $437,62 kulandela ukukhwela kwemithelo yezindlu.
Inhlanganiso ebona ngelungelo labathengi, iConsumer Council of Zimbabwe, CCZ, ithi intengo yokudla yehlile kancane ngamasenti akwelemelika angamatshumi amabili. Umqondisi walinhlanganiso koBulawayo, uMnu. Comfort Muchekeza utshele uChris Gande weStudio 7 ukuthi udubo lokutholakala kwemali luqhubekela phambili ngoba inengi lezisebenzi lilokhu lithola ikhulu lamadola akweMelika kuphela.