Inhlanganiso yeZimbabwe Lawyers for Human Rights namhlanje yethule ugwalo lwe News Letter echasisa ngokwephulwa kwelungelo loluntu elizweni. Esinye isiphathamandla senhlanganiso uMnumzana Otto Saki utshele iStudio 7 ukuthi bethekelelwe ngamapholisa kahulumende asebenza nsitha ebuzisisa ngogwalo lolu.
Kunjalo nje ngeviki edluleyo ihofisi yenhloko kahulumende uMnumzana Morgan Tsvangirai layo yethule i News Letter echasisa ngohambo lwakhe lequla lakhe emazweni angentshonalanga.
Ugwalondaba lolu lubikwa lucunule kakhulu abebandla le ZANU PF asebesethesa uTsvangirai umlandu besithi bekumele aqale abikele idale lecabinet okuphume kuhambo lwakhe kuqala engakazisi uzulu. i news letter le ibiphiwa uzulu kungelambadalo.
Imizamo yokukhuluma lehofisi yenhloko kahulumende yehlule, kodwa sixhume ingcwethi ecubungula ezombusazwe, uMnumzana Walter Nsununguli Mbongolwane othi ugwalondaba lolu yindlela yehofisi kaTsvangarai yokwazisa uzulu ngokusebenza kukahulumende womanyano.