Kubikwa sokuqhamuke ukudonselana phakathi kwenhlanganiso ezibona ngokugenjwa kanye lokuthengiswa kwelitshe eliligugu ele dayimana ezimbili i World Diamond Council le Kimberly Process phezu kokuthi udaba lwedayimana elitholakala koChiadzwa luphathwe njani.
IWworld Diamond Council yethesa iKimberly Process umlandu wokuhudula inyawo ekuthini eleZimbabwe limiswe ukuthengisela amazwe omhlaba amatshe aligugu la ngoba kulokwephulwa kwelungelo loluntu okukhulu okwenzakalayo koChiadzwa.
Kodwa yona iKimberly process ithi nxa eleZimbabwe lingalandelanga izinqumo zayo kusikhathi esizayo lizamiswa ukuthengisa amadayimana eChiadzwa ngenyanga ka lwezi. Esinye sezinqumo lezi, esenziwe liqula leKimberly Process ngemva kokwethekelela koChiadzwa ngenyanga edluleyo ngesokuthi uhulumende asuse amalunga ebutho akulindawo.
Inhlanganiso yeHuman Rights Watch ithi amasotsha lamapholisa abulele izakhamuzi ezedlula amakhulu amabili kelisisigaba, njalo uhulumende uyala ukususa abebutho kulindawo.
Ukuze sizwisise ukusebenzelana kwenhlanganiso ye World Diamond Council le Kimberly Process sixhume ingcwethi kwezenotho uMnumzana Walter Nsununguli Mbongolwane.