Inkokheli yamazwe ezwekazi le Africa ibuthene ngolweSithathu eceleni komhlangano we United Nations eNew York ixoxisana ngodaba lokuqeda umkhuhlane woqhuqho, iMalaria kulelizwekazi.
Inkokheli le ngeyamazwe alitshumi lasithupha njalo kayigoqeli eyeZimbabwe.
Amazwe la aphiwe imali engamabhiliyoni amathathu eyokwenqabela lumkhuhlane ngoba uyimbangela yemfa ebantwini bezwekazi leli ngemuva komkhuhlane wengculaza.
Owake waba ngunobhala wezempilakahle kugatsha lwezempilakahle, uNkosizaki Ruth Labhode utshele uChris Gande weStudio 7 ukuthi lanxa kungelabubelo kwezombuszawe eZimbabwe kumele ilizwe liphiwe imali yokwenqabela lumkhuhlane.