Uhulumende weZimbabwe uzama ukufaka umthetho wokuthi izizalwane zeZimbabwe zibe lesilinganiso sokungama tshumi amahlanu lanye ekhulwini- 51% kumankampani akwamanye amazwe agoqela imigodhi lamabhanga.
Umthetho lo uthi amankampani la kumele abe sezandleni zezizalwane zeZimbabwe nxa kungamankani alemali edlula ingxenye yesigidi samadollar-us$500,000. Kodwa ingcwethi kwezenotho zithi lokhu kuzakwethusa abakwamanye amazwe abafuna ukuletha amabhizimisi abo kuleli.
UMnumzana Sam Ncube ngumqondisi wenhlanganiso yabamabhizimisi abensundu i Affirmitive Action Group esigabeni seMatebeleland. UNcube utshele uBrenda Moyo weStudio 7 ukuthi uhlelo lukahulumende lokufaka amankampani ezandleni zabensundu kumele lwenziwe ngemfanelo hatshi njengokuthathwa okwenziwe amapulazi.