Lokhu kukhulunywe embuthanweni wokunananza ilanga lamatitshala umhlaba wonke jikelele
Ababalisi bathi uhulumende sekumele angenele kudaba lwezikolo ezingabhaliswanga phansi kogatsha lwezemfundo abathi ziphatha amatitshala butshapha. Lokhu kuvele emhlanganweni owenzwe yinhlanganiso yababalisi eye Progressive Teachers’ Union of Zimbabwe koBulawayo owokunanaza ilanga lamatitshala.
Ababalisi laba bathe njalo bakhathazwa ludlakela oseluthwalise nzima amatitshala bathi kumele izifundo zingabi lokwenza ngezombusazwe. Isiphathamandla salinhlanganiso koBulawayo uMnu. Vusumuzi Mahlangu utshele uChris Gande owe Studio 7 ukuthi olunye udaba oluhlafunwe emhlanganweni lo ngolwemali ephiwa ababalisi ngabazali.