Abakhokheli benhlanganiso ye Women of Zimbabwe Arize, iWOZA, uNkosazana Magodonga Mahlangu loNkosikazi Jenni Williams abakhululwe izolo ngemva kokuhlala phose amaviki amabili bevalelwe entolongweni ye Mlondolozi ko Bulawayo bazamiswa njalo phambi komthethwandaba kamantshi kusasa ngokuphathelelene lecala abaletheswayo.
Abakhokheli benhlanganiso yeWomen of Zimbabwe Arize, iWOZA, uNkosazana Magodonga Mahlangu loNkosikazi Jenni Williams abakhululwe ngolweSibili ngemva kokuhlala phose amaviki amabili bevalelwe entolongweni ye Mlondolozi ko Bulawayo bazamiswa njalo phambi komthethwandaba kamantshi ngolweSine ngokuphathelelene lecala abaletheswayo.
Ababili laba betheswa icala lokuthumba owesifazana kanye lokuntshontsha isibane sethotshi yakhe ngenyanga ka Ntulikazi.
Ukubotshwa kwababili laba bengakhululwa ngesibambiso sebail okwamaviki amabili kwasolwa zinhlanganiso ezilwela ilungelo loluntu emhlabeni jikelele kanye lamabandla ezombusazwe.
USithandekile Mhlanga we Studio 7 uxoxe loNkosazana Mahlangu obabaze ukubotshwa kwabo kanye lomumo osejele ye Mlondolozi.