Icele leMDC elikhokhelwa yinhloko kahulumende uMnu. Morgan Tsvangirai lithi amalunga alo aqhubeka edliswa imbuya ngoluthi ngamalunga eZanu PF. IMDC-T ithi ngeviki edluleyo kutshisiwe imizi yabasekeli balelibandla esigabeni seManicaland.
Lelibandla lithi ezigabeni zelizwe ezitshiyeneyo amalunga alo ahlukuluzelwa ukuthi ahambelani emhlanganweni walelibandla omkhulu, oweCongress ewenzelwe koBulawayo.
Omunye wabaphathintambo bogatsha olubona ngokuthula lokuxolelana, uNkosikazi Sekai Holland, oyisiphathamandla njalo sebandla leli, utshele iStudio 7 ukuthi amapholisa athatha uhlangothi lweZanu PF kudaba lodlakela.