Abasekeli bebandla leZanu PF ko Bulawayo babikwa bengena ezitolo bethatha impahla elungiswe kwamanya amazwe. Izakhamizi zakoBulawayo zitshele iStudio 7 ukuthi lesi sehlakalo sikhanya sisenziwa phansi kwezinqumo zomthetho we Indigenization ofuna ukuthuthukisa amabhizimusi abensundu.
Ugatsha lwebandla le MDC ekhokhelwa nguMnu. Morgan Tsvangirai koBulawayo luthi abasekeli beZanu PF laba bakhanya bethatha impahla ehlukeneyo kodwa kakhulu impuphu osekubangele ukusilela kwayo ezitolo.
Omunye usomabhizimusi wakobulawayo utshele iStudio 7 ukuthi lanxa abasekeli laba bebengakangeni esitolo sakhe uhle waphanga wafihla impahla ayiwoda kwele South Africa.
Sixoxe lesakhamuzi sakoBulawayo. UMnu. Raymond Phiri othi umumo usumubi kakhulu koBulawayo ngoba sekusilela impuphu lokunye okuvela kwamanye amazwe kuthengiswa ngentengo ephansi kulalokho okulungiswa eZimbabwe.