Amaqula akunkulumo zamabandla akuhulumende womanyano athi asevumelane ukuthi kufakwe uluhlu lwesikhathi esizathathwa fezisa lokho okuyabe kuvunyelenwe.
Amaqula la athi azabhalelana phansi ngoLwesithathu ukuthi okufana lezijeziso zenotho, imisakazo ezimeleyo lokunye okunjalo kuzaphethwa nini. Athi njalo ngemva kokusayinelana azakupha inkokheli yamabandla awo isivumelwano lesi.
Lokhu kutsho ukuthi ukhetho soluzakwenziwa ngomnyaka ozayo hatshi lonyaka njengalokho okukade kufunwa nguMongameli Robert Mugabe lezinye iziphathamandla zebandla lakhe leZANU PF.
Omunye wabakuqula leMDC ekhokhelwa nguMnu. Welshaman ncube, uMnu. Moses Mzila Ndlovu utshele uChris Gande weStudio 7 ukuthi kusalokunye okufana lezomvikela okungakavunyelanwa.