Amalunga enhlanganiso ye Women of Zimbabwe Arise, i WOZA atshengisele ngolweSibili eHarare esola okunengi okwenzakala elizweni, okugoqela ukwephulwa kwelungelo loluntu, udlakela kanye lokwehluleka kukahulumende womanyano ukugcwalisa izinqumo zesivumelwano seGlobal Political Agreement.
Iziphathamandla zalinhlanganiso zithi lanxa amapholisa ethusele amalunga, avimba indlela, abalitshumi benelisile ukufinyelela ephalamende lapho abaqhube khona amaluba abomvu ngenhloso yokukhuthaza ukuthula elizweni.
Isiphathamandla salinhlanganiso, uNkosazana Magodonga Mahlangu utshele uSithandekile Mhlanga weStudio 7 ukuthi umbiko wabo ufinyelele endlebeni zikahulumende.