Inkokheli yenhlanganiso ye WOZA, uNkosikazi Jenni Williams, kanye loNkosazana Magodonga Mahlangu ababotshwe izolo eHarare etshengisela ukusola ukuqunywa kukagetsi mahlayana yinkampani ye ZESA babikwa bezalala esitokisini njalo lamuhla ngoba belokhu bengaketheswa icala.
Inkokheli yenhlanganiso ye WOZA, uNkosikazi Jenni Williams, kanye loNkosazana Magodonga Mahlangu ababotshwe ngolweSine eHarare etshengisela ukusola ukuqunywa kukagetsi mahlayana yinkampani ye ZESA bakhangelelwe ukulala esitokisini njalo ngolweSihlanu ngoba belokhu bengaketheswa icala.
Amanye njalo amalunga alinhlanganiso alokhu evalelwe esitokisini ngu Clara Manjengwa lo Celina Madukani. Abangamatshumi ayisithupha lanhlanu ababotshwe ngesikhathi esifanayo, bakhululwe ngolweSine ntambama.
UMnu. Harrison Nkomo, igqwetha elimela abane laba utshele uSithandekile Mhlanga oweStudio 7 ukuthi uzakwaziswa ngoMgqibelo ukuthi abane laba bayakhululwa kumbe betheswa icala.