Udubo lokusilela kwamanzi lubikwa soluzakhula ngamandla edolobheni lako Bulawayo kulandela ukoma kwamadamu amabili aletha amanzi asetshenziswa kulelidolobho. Idolobho leli lisebenzisa amanzi avela emadamini amahlanu.
Idolobho lako Bulawayo, ngelinye elihlezi libhekane lokusilela kwamanzi eneleyo okwesikhathi eside, kanye lesigaba sonke se MaNdebeleni.
UMeya wakoBulawayo uMnu. Patrick Thaba Moyo, utshele uChris Gande weStudio Seven ukuthi udubo lokusilela kwamanzi lolu alusoze lubebanzi izakhamizi zingasebenzisa amanzi ngendlela elungileyo.