Inhlanganiso yeMisa-Zimbabwe sisungule umkhankaso wokuzama ukubamba ngamandla uhulumende womanyano ukuthi avumele ukusebenza kwemisakazo ezimeleyo elizweni.
Inhlanganiso le izasungula umkhankaso lo okusemthethweni ngoMgqibelo eChitungwiza.
IMisa-Zimbabwe ithi ifuna kusungulwe imisakazo ezimeleyo kungakenziwa ukhetho oluzayo.
Lanxa uhulumende womanyano ethembisile ekusungulweni kwakhe ngo2008 ukuthi uzakhulula amagagasi kube lemisakazo ezimeleyo, akukenzakali lokhu, okuyinto edanisa intathelizindaba kanye lozulu.
Amaphephandaba azimeleyo yiwo wodwa asenikiwe imvumo yokusebenza.
Umqondisi weMisa-Zimbabwe uMnu Nhlanhla Ngwenya utshele uNtungamili Nkomo weStudio 7 ukuthi inhlanganiso yakhe idane kakhulu ngokungazinikeli kukahulumende ekuthukululeni amagagasi.