Inhlanganiso yeBroadcasting Authority of Zimbabwe ibikwa ilokhu ingakatsheli uzulu ukuthi isikuliphi ihlandla ekucubunguleni ukuthi yiwaphi amankampani angathola amalayisensi ewapha imvumo yokusebenzisa amagagase elizweni, amaradio licenses.
Inhlanganiso le ithi yemukela incwadi ezivela kumankampani alitshumi lanhlanu adinga imvumo yokusakaza, kunyanga ezine ezedluleyo, kodwa ayilamali yokubhadala indleko zokuqhuba lumsebenzi.
Kodwa ugatsha lwenhlanganiso ye Media Institute of Southern Africa elizweni, iMISA-Zimbabwe ibikwa isithi mhlawumbe uhulumende ube zama ukutshengisa umanyano we SADC ukuthi kasontandokayiphikiswa ngokunxusa amankampani ukuthi abhalise phambilini komhlangano weSADC Summit wokucubungula okuhluphayo eZimbabwe.
Ukuze sizwe okunengi ngaloludaba, uSithandekile Mhlanga we Studio 7 uxoxe lomgcinisihlalo we MISA-Zimbabwe, uMnu. Njabulo Ncube, endawonye loMnu. Edwin Ndlovu, isiphathamandla secele le MDC elikhokhelwa nguMnu. Welshman Ncube
UMnu. Njabulo Ncube usungula loludaba ngokuthi inhlanganiso yakhe isinanzelele ukuthi i-BAZ imadolonzima ukukhuluma ngaloludaba.