Ikomidi yedale lephalamende ebona ngokulotshwa kutsha kwesisekelo sobuso eyeCOPAC ithi isivumelene ukuthi amalunga amahlanu awecele le MDC elikhokhelwa nguMnu. Welshman Ncube akhutshwe ezikhundleni zokuba ngama Rappoteurs kulandela isikhalazo esenziwe libandla labo.
Abahlanu abaxotshiweyo ngoMnumzana Morgan Changamire, Patrick Muusha, Oswell Dziike, Enock Tsikai lo Maxwell Zimuto abetheswa icala lokungahloniphi ibandla labo.
UMnu. Edward Mkhosi, omunye wabagcinisihlalo be COPAC, utshele iStudio 7 ukuthi iCOPAC isitshele i Management Committee ukuthi indawo yabahlanu laba isiphiwe amanye amalunga alelibandla njalo kufanele ahle angeniswe emaweteleni ukuqhuba uhlelo lwe Data Uploading olusaqhubeka. UMkhosi ungezelele wathi ingxabano ibilethwa yikuthi abanye abagcinisihlalo beCOPAC bebesekela amalunga axotshiweyo besithi aqhubeke umsebenzi ngoba elesivumelwano le COPAC.
UMnu. Believe Gaule, isiphathamandla se COPAC, ukhulume loSithandekile Mhlanga weStudio ngalolu daba.