Icele le MDC elikhokhelwa nguMnu. Arthur Mutambara lithi amalungiselelo omhlangano walo omkhulu weCongress ozaqhutshwa ngoMgqibelo langeNsonto ezayo asefika emaphethelweni, njalo sokusele isigaba se Masvingo kuphela ukuthi laso sikhethe inkokheli yalelibandla.
Izigaba ezilitshumi lanye sezikhethe uMnu. Welshman Ncube ongunobhala jikelele walelibandla ukuthi abengumkhokheli walo, kwathi isigaba esisodwa sakhetha uMutambara ukuthi athathe isikhundla sikanobhala jikelele.
UMnu. Nhlanhla Dube, umsekeli wesikhulumi salelibandla utshele uSithandekile Mhlanga weStudio 7 ukuthi izibopho eziqinileyo ngezikhundla zalelibandla ngezizaphuma emhlanganweni we Congress.