Imihlangano yokucina eyokuqoqa imbono kazulu ezangena kusisekelo esitsha sombuso iqhutshiwe ngolweSine eTsholotsho, njalo imihlangano efanayo ikhangelelwe ukugqitshwa ngolweSihlanu eBeitbridge, okutsho ukuthi sonke isigaba seMatabeleland siyabe sesilugqibile uhlelo lokuqoqa imbono yabantu.
UMnu. Believe Gaule, isiphathamandla sekomidi yedale lephalamende ebona ngokulotshwa kutsha kwesisekelo sombuso, eye COPAC, njalo enguSenator weTsholotsho utshele uSithandekile Mhlanga we Studio 7 ukuthi ulensolo ngendlela uhlelo lolu oluqqhutshwe ngayo kulesisigaba.