Inani labesifazana ababhubha ngezizatho eziphathelane lokubeletha selikhwele ngesilinganiso esikhulu elizweni.
Umsekeli wenhloko kahulumende uNkosazana Thokozani Khupe uthi ukulwisana laloludubo, uhulumende kumele engabhadalisi abesifazana abazithweleyo imali yokuhlolwa ezibhedlela.
Embikweni awethule ngoLwesine, uMakhupe ukhuthuze njalo uhulumende ukuthi asebenzise imali ayiphiwa zinhlanganiso ezitshiyeneyo ezigoqela isikhwama se Multi-Donor Health Fund ukuvuselela ezempilakahle elizweni.
Ngaphandle kokuba yisiphathamandla sikahulumende, uNkosazana Khupe, ungumeli wenhlanganiso ebona ngempilakahle yabesifazana abazithweleyo ezwekazi leAfrica, iAccelerated Reduction of Maternal Mortality in Africa.
Ukuze sizwe okunengi ngaloludaba, sixoxe laye uMakhuphe, endawonye loNkosikazi Beauty Kerr, olwela amalungelo abesifazana.