Linhlangiso ithi lokhu kwenza kubenzima ukuthi abantu baqoqane betshengisele
Inhlanganiso ye Freedom House ithi ukusetshenziswa kwemitshina yama computer, ikakhulu ubulembu be Internet kusasephansi kakhulu kwele Zimbabwe okwenza kubenzima ukuqoqa ukutshengisela okufana lokwenzakala lakwemazwe afana le Egypt le Tunisia.
Kugwalo oluthiwa Freedom on the Internt linhlanganiso ithi abantu abayisilinganiso esilitshumi lanye ekhuluwini, i 11% kuphela yibo abebelisa ukusebenzisa ubulembu elizweni jikelele. Linhlanganiso ithi lanxa kukhanya kulesifiso sokusebenzisa limitshina, uhulumende laye ukhanya elesifiso sokuhlolisisisa imbiko ethulwa ebulenjini.
Ingcwethi ecubungula ezombusazwe, uMnu. Effie Dlela Ncube utshele iStudio 7 ukuthi lolugwalo aluqondanga ngoba umvukela uyenzakala loba kungasetshenziswanga i Internet.