Inhlanganiso ezilwela amalungelo oluntu zithi ziqhubekela phambili ngemikhankaso yokumisa imizamo kahulumende eyokuguqula indawo yeBhalagwe eMatopo ukuze ibe ngamathuna okungcwaba amaqhawe elizwe akulesisigaba ngoba kulodaba lwabantu ababulawelwa kulindawo ngesikhathi seGukurahundi olungakahluzwa.
Inhlanganiso eqoqa lumkhankaso, i-Zimbabwe Victims of Organised Violence Trust, ithi yayicele imvumo kukhansili yeMatopo Rural District Council ukuthi yakhe indawo yesikhumbuzo seGukurahundi Monument kulindawo.
UMnu. Bekithemba Nyathi, umabhalane walinhlanganiso utshele uSithandekile Mhlanga weStudio 7 ukuthi ikhansili yeMatopo yedlulisela loludaba kugatsha lukahulumende olubona ngokwenzakala elizweni ngesizatho sokuthi indawo le isigcinelwe ukungcwatshwa kwamaqhawe.