Inhlanganiso elwela amalungelo ezakhamizi zeHarare eye Combined Harare Residents Association ithi ukudingisisa ekuqhubileyo kuveza ukuthi isisusa sembangela yokuqhamuka komkhuhlane weTyphoid edolobheni leHarare yikuthi inengi lezakhamizi zemizini weKuwadzana le Dzivarasekwa zavalelwa amanzi yikhansili yalelidolobho.
Inhlanganiso le ithi inengi labantu elihlala eKuwadzana selike lagula njalo lelatshwa umkhuhlane we typhoid ngenxa yokuswela amanzi ahlanzekileyo.
Kodwa ikhansili yeHarare yona iyakwala loku ukuthi kulezakhamizi ezilokhu zavalelwa amanzi okwesikhathi eside.
UMnu.Mfundo Mlilo, umqondisi wenhlanganiso ye Combined Harare Residents Association utshele uSithandekile Mhlanga weStudio 7 ukuthi inhlanganiso yakhe izahlangana leziphathamandla zekhansili izitshengise ukuthi izakhamizi ezinengi zavalelwa amanzi ngenxa yezikwelelede.