Inkampani emba amalahle, eye Hwange Colliery Company ilandule imbiko ethi sekuzasilela amalahle emigodini yalinkampani.
Amaphephandaba amanengi ebulenjini ethule udaba lolu ngempelasonto esithi linkampani isizifuna ukwemba endaweni egcinelwa inyamazana zendle eye Hwange National Park kanye laphansikwemifula.
Isikhulumeli salinkampani, uMnumzana Burzil Dube utshele uChris Gande weStudio 7 ukuthi amalahle asasekhona sibili okweminyaka eminengi elandelayo.