Inkulumo zokulungisisa okusele kusahlupha kuhulumende womnanyano ziqalise njalo lamuhla njengokuvumelana kwamabandla amathathu akuhulumende lo okwenziwe kuviki edluleyo ngemva kokuhlanga lomangameli wakwele South Africa, uMnu. Jacob Zuma. Amabandla la avumelana ukuthi ahlangane ngolweSine, olweSihlanu langoMvulo andubana kwethulwe okuyabe kuvunyelwene kunhlanganiso ye SADC.
Okhokhela iqula lecele leMDC ekhokhelwa nguMnu. Morgan Tsvangirai, uMnu. Tendai Biti laye ubikwa ubekhona enkulumeni zalamuhla edolobheni le Nyanga lanxa esinde engozini yemota ngolweSibili.
Imizamo yokuzwa okuhlafunwe enkulumeni lezi lamuhla yehlule ngoba abamela amabandla amathathu balile ukusicathekela okuthethe indawo.
Kodwa ingcwethi ecubungula ezombusazwe uMnu. Bekithemba Mhlanga utshele uChris Gande weStudio 7 ukuthi ulethemba lokuthi inkulumo lezi zizethula izithelo ezinhle ngoba uMongameli zuma ekhanya wabacebisa ukuthi
isikhathi sokuthi kuvunyelwane sesifikile.