Inkampani ye Associated Newspapers of Zimbabwe yethule inzwisa yephephandaba le the Daily News ebelimelelwe ngabomvu ngabanengi. Linkampani ithi kusukela ngolweSihlanu oluzayo iphephandaba le the Daily News lizakwethulwa nsukuzonke. Linkampani yavalwa ngomnyaka ka 2003 phansi komthetho othi amaphephandaba wonke kumele abhaliswe kodwa yona i-ANZ yayingabhalisanga amaphephandaba omabili, iDaily News le Daily News on Sunday.
Ekuqaleni komnyaka odluleyo linkampani iphiwe njalo imvumo yokudinda amaphepha ayo yikhomishini ye Media Commission of Zimbabwe kodwa ibingaka sunguli umsebenzi kuze kube lamuhla.
UChris Gande weStudio 7 uxoxe lomsekeli kamgcinisihlalo wenhlanganiso ye Misa Zimbabwe, uMnu. Njabulo Ncube ongumhleli wephephanda le The Gazette othi abantu balamukele ngezandla zombili iphephandaba le the Daily News ngolweSihlanu.