Inkokheli yamazwe angezansi kwezwekazi leAfrica eyeSADC Troika ibithe gwaqa kwele Gaborone e Botswana icubungula okuhluphayo kuhulumende womanyano. Iziphathamandla zikahulumende womanyano lezi zigoqela uMongameli Robert Mugabe omele I ZANU PF, uMnu. Arthur Mutambara, kanye loMnu. Morgan Tsvangirai bemele amacele abo e MDC.
Impumela yomhlangano lo ikhangelelwe ukwaziswa ngoMgqibelo lapho okuvulwa khona isakhiwo esitsha somanyano wamazwe eSADC. Ngomgqibelo njalo iSADC ibikwa izacubungula njalo okuhluphayo kwele Madagascar kanye lamazwe awezwekazi le Africa.
UMnu. Effie Dlela -Ncube, ingcwethi ecubungula ezombusazwe, utshele uSithandekile Mhlanga we Studio ukuthi imihlangano enje ivame ukungaphumi lezibopho ezizalandelwa ngumongameli Robert Mugabe ngoba evele engumuntu ongafuni ukulandela izixwayiso.