Umphathintambo wogatsha lwezokuxolelana, uNkosikazi Sekai Holland, olilunga lecele leMDC elikhokhelwa nguMnu. Morgan Tsvangirai uthi akulankamba zokuhlukuluza amalunga ebandla lakhe esigabeni seMzarabani. UHolland uthi ngemva kwembiko ekhomba ukuvuselelwa kwalezinkamba ezasetshenziswa phambilini kokhetho luka 2008 yena labanye bakhe baye khonale ngomvulo befuna ukuyazibonela ngawabo baziswela lezinkamba.
Kodwa inhlanganiso ye Restoration of Human Rights ithi ngemva kokwethekelelwa kwalumango ngoHolland abasekeli bebandla leZANU PF ngolweSibili bavuke ubhova batshaya izakahamizi okubangele ukuthi imuli ezilitshumi lasikhombisa zibalekele imizi yazo zisiya edolobheni. Lanxa uNkosikazi Holland esithi ugatsha lwakhe selulethe ukuxolelanda elizweni, olwela ilungelo likazulu, uMnu. Clemence Moyo utshele uChris Gande weStudio 7 ukuthi ugatsha lolu selwehluleke umsebenzi.