Inhlanganiso emela izisebenzi zikahulumende i-APEX Council ithi imise ukukhalala umsebenzi kwezisebenzi okwelanga elilodwa nmgolweSithathu ngoba zizaba lomhlangano lomqatshi. Ngasikhathi sinye ibandla le MDC 99 elikhokhelwa nguMnu. Job Sikhala ikhuthaza ukumanyana kwalezisebenzi ukugenqula uhulumende.
Ibandla leli likhuthaza inkokheli zamabandla akuhulumende womanyano ukuthi zitshiye imisebenzi ngoba sezehluklekile. Kubika intathelizindaba yethu uMavis Gama eseHarare.
Kusenjalo, uMnu. Sifiso Ndlovu, isiphathamandla senhlanganiso ye APEX Council utshele uSithandekile Mhlanga we Studio 7 ukuthi amalunga enhlanganiso yakhe aphume ngobunengi bawo ngolweSibili ekuseni ekhuthaza izisebenzi zikahulumende ukuthi zimanyane labanye bazo abakhalala umsebenzi.