Izisebenzi zikahulumende zifole zitshengisela edolobheni leHarare, zayafika emahofisini kahulumende, kanye ledale lephalamende lapho eziqhubele khona ugwalo lwezikhalazo zazo.
Izisebenzi lezi ziqale ngokuthi gwaqa egcekeni le Harare Gardens, lapho uNkosikazi Tendai Chikowore, oyisiphathamandla se APEX Council eqoqe lokhu kutshengisela, ezichasisele ukuthi zizakuya emsebenzini kusukela ngoMvulo ozayo kusiya ngenyanga ezayo, kodwa zingafundisi.
Izisebenzi bezithwele amaphetshana alezikhalazo zawo, njalo zihlabelela.
UMnumzana Sifiso Ndlovu, isiphathamandla se Zimbabwe Teachers’ Union of Zimbabwe (ZIMTA) obephakathi kwalokhu kufola, utshele uSithandekile Mhlanga we Studio 7 ukuthi uhulumende engehluleka ukunanza izikhalazo zezisebenzi zikahulumende, zizathatha elinye inyathelo angasoze alikhwabithe.