Uhulumende uqalisile ukupha abantu abadinga ingwalo zokuhambisa okwesikhatshana, ezintsha zama Temporary Travel Documents, kusukisela ngolweSithathu, asebenza okwenyanga eziyisithupha, asethethe indawo zama Emergency Travel Documents, wona abesebenza okwamaviki amathathu kuphela.
Incwadi ezintsha lezi zikhangelelwe ukwenqabela ukuxokozela okuvame ukuba khona emngceleni yeZimbabwe lamanye amazwe, ikakhulu kowe Beitbridge.
USithandekile Mhlanga we Studio 7 uxoxe lo Mnu. Remember Moyo, umgcinisihlalo we Zimbabwe Support Action Group, yena othi izizalwane zeZimbabwe zithokoze kakhulu ngaleli nyathelo likahulumende ngoba besezithwele amagabha avuzayo ngencwadi ezindala.