Isikhulumeli sikaMongameli Robert Mugabe, uMnu. George Charamba uthi uMnu. Welshman Ncube kasoze agcotshwe ukuba ngumsekeli wenhloko kahulumende nxa udaba lokuthi ukhethwe okusemthethweni loba hatshi lungathethwanga.
Owayengumgcinisihlalo webandla leli, uMnu. Joubert Mudzumwe labanye abalitshumi lantathu base udaba lokukhethwa kukaNcube emthethwandaba lakuye uMugabe bekhonona ngokuthi umhlangano weCongress okhethe uNcube wenziwe phandle kwesisekelo sombuso webandla.
Kodwa lelibandla liyakulandula lokhu listhi uMudzumwe labanye bakhe ngabantu abadinga ukudanela phezu kwabanye abantu ngoba beswele izikhundla.
UChris Gande weStudio 7 uxoxe lesikhuluemli sebandla leli, uMnu. Nhalanhla Dube embuza ukuthi uNcube loMugabe bazahlangana yini ukuthi bexazulule loludaba.