Ababili laba abenhlanganiso yokulondolowa kwelungelo loluntu eye Zimrights babotshelwe eNyamayendlovu ngoMvulo bevela eTsholotsho njalo bebelokhu bevalelwe ngoLwesibili
Amapholisa eNyamayendlovu abophe amalunga amabili enhlanganiso yeZimbabwe Human Rights Association ngoMvulo ngemva kokuwalisa ukwenza umhlangano wokufundisa uzulu weTsholotsho ngamalungelo akhe.
Ababotshiweyo laba ngabathi uMnu Walter Dube loNkosazana Florence Ndlovu.
Amagqwetha amela ababili laba athi eTsholotsho bathole amapholisa enyakazela ahle abalisa ukuba benze lumhlangano lanxa ubuvunyelwe ngumthethwandaba kamantshi koBulawayo.
Amagqwetha kaNkosazana Ndlovu loDube alisiwe ukubabona ngoMvulo langoLwesibili. Elinye lalawa magqwetha uMnu Lizwe Jamela utshele uNtungamili Nkomo weStudio 7 ukuthi udane kakhulu ngokwaliswa ukubona izibotshwa lezi.