Kulamalunga enhlanganiso yezifundi eyeZinasu amathathu abotshwe ngamapholisa ekolitshini leUniversity of Zimbabwe ngoLwesithathu esetheswa umlandu wokukhuthaza izifundi zakulelikolitshi ukuthi zibangele udlakela.
Ababotshiweyo laba babalisa umkhokheli walinhlanganiso uTafadzwa Mugwadi, Terrence Makoneke loNoel Gotora njalo bavalelwe enkambeni yeAvondale Police Station.
Abathathu laba babotshwe ngemva kokuqhuba umhlangano lezifundi zeUniversity of Zimbabwe phezu kodaba lwembadalo kanye lokuvinjwa kwezinye izifundi ukuloba imihloliso nyakenye ngoba zingahlawulanga imbadalo yokufunda.