Icele leMDC elikhokhelwa yinhloko kahulumende uMnu. Morgan Tsvangirai selethule iziqondiso ezizalandelwa ngabafuna ukuncintisa bemele lelibandla kukhetho lokudinga ukuba lezikhundla zobukhokheli engatsheni ezitshiyeneyo zempilo, kungaba ngamakhansili kumbe kuhulumende, ezigoqela ukuthi umuntu kumele abeleminyaka emihlanu elilunga.
Lezi ziqondiso zigoqela esithi abafuna ukuba ngabomeya kumele babekwazi ukubala lokubhala ukwenzela ukuthi bazwisise lokuqondisa ukulandelwa kwemithetho yamakhansili. Phansi kweziqondiso zinye ofuna ukuba ngumeya kumele abe eke wakhokhela inhlanganiso kumbe inkampani okweminyaka embalwa.
UChris Gande weStudio 7 uxoxe lesiphathamandla salelibandla, uMnu. Albert Mhlanga ngalezi ziqondiso ezintsha zebandla lakhe.