Kubikwa kuqhamuke udlakela olubi ngoMvulo emzini weMbare edolobheni le Harare lapho abacatshangelwa ukuthi ngabasekeli bebandla le ZANU PF abatshise ihofisi ye cele le MDC elikhokhelwa nguMnu. Morgan Tsvangirai batshisa lendlu yomunye ukhansila walelibandla.
Kubikwa kulabantu ababotshiweyo ngamapholisa, kwathi abanye batshaywa njalo balimala kakubi.
Amapholisa abikwa lokhu ebhoda-bhoda kulindawo, njalo akukacaci ukuthi kuyini okubangele loludlakela.
Istudio 7 ayenelisanga ukukhuluma lamapholisa kumbe iziphathamandla zebandla le ZANU PF ngaloludaba.
Kusenjalo, uNkosazana Thabitha Khumalo, umsekeli wesikhulumi secele le MDC elikhokhelwa nguMnu. Morgan Tsvangirai utshele uSithandekile Mhlanga we Studio 7 ukuthi ukuhlukuluzwa kwamalunga ebandla lakhe lokhu kuqhubekela phambili, ikakhulu eMbare ngoba kusanda ukuqhamuka udlakela kundawo efanayo.