Uhlupho oluphathelane lokuthengiswa kwamadayimana eZimbabwe enjiwa eMarange lokhu luqhubekela phambili ngoba amankampani amakhulu agoqela i Brink, Malca-Amit abikwa esala ukuthwala amadayimana la ewasa emazweni ase Europe le United States. Kukantike lenkampani enkulu ye Europe iLloyds iyala ukuthembisa ukuwahlawulela engalahleka, ngenxa yokwephulwa kwelungelo loluntu eZimbabwe.
EleZimbabwe selithengise amadayimana la kabili kuphela, ngaphansi kwelihlo lokhozi, olwe Kimberly Process ngoba libikwa lingalandeli imithetho eyemhlabeni jikelele ekwenjiweni kwamatshe aligugu.
USithandekile Mhlanga weStudio 7 uxoxe LoMnu. Effie Dlela-Ncube, ingcwethi ecubungula ezombusazwe, yena ogcizelela ukuthi inengi lamabhanga asemazweni aphetsheya awasoze asebenzelane lele Zimbabwe ngoba lawo esesaba izijeziso.