Inkwenkwe zeqembu leChicken Inn sezisokiwe njalo sezingamadoda apheleleyo njalo sezingamelana lamaqembu amakhulu kuPremier Soccer League.
Iqembu leli, lona ebelidlala kusigaba seDivision One Southern Region lithole itikiti lokudlala kuPSL ngeSonto ngemva kokuthatha inkezo kaDivision One kulandela ukunqoba kwalo eleZPS Ntabazinduna nge 4 ka 1.
I Chicken Inn liqembu lakoBulawayo njalo inkundla yalo okwamanje yiLuveve Stadium, okwakudlalela khona iqembu leAmazulu.
Ubudoda beqembu leli buzaphuma mgceke kuSeason ezayo lapho selidibana labomaqhuzu abafana laMahlolanyama, yona iHighlanders phela lamanye afana leDynamos.
Umgcinisihlalo waleliqembu uMnu Lifa Ncube uthi ujabule kakhulu ngokungena kweqembu lakhe kuPremier Soccer League.