Uhulumende weBhilithani uthi usekela umcabango wokuthi iZimbabwe ivunyelwe ukubuyela enhlanganisweni yeInternational Monetary Fund ibe lilunga elipheleleyo elilamalungelo okuphatheka emihlanganweni yalinhlanganiso emqoka.
Embikweni eliwethule ngolweSihlanu eleBhilithani lithe lisekela umkhankaso kaMnumzana Tendai Biti, umphathintambo wezemali owokuthi i IMF yamukele njalo iZimbabwe njengoba sokube lenguquko elizweni, ikakhulu kwezenotho kulandela ukubunjwa kukahulumende womanyano.
EleMelika lalo lazise kumaviki amabili edluleyo ukuthi lisekela ukubuyiselwa kweZimbabwe ngokugcweleyo ku IMF.
Ingcwethi ecubungula ezenotho uMnumzana Rejoyce Ngwenya utshele uNtungamili Nkomo ukuthi kaboni izijeziso zisesulwa lanxa iBhilithani leMelika zisekela ukubuyiselwa kweZimbabwe kuIMF.