Umphathintambo obona ngokulotshwa kutsha kwesisekelo sombuso, uMnu. Eric Matineng uthi uhlelo lolu luphiwe imali engaba yizigidi eziyisitshiyangalombili, i US$8 million, yokuqhuba loluhlelo. UMatinenga uthi ngaphandle kokuthola limali yena ngokwakhe usezaphuma ayezibonela ngawakhe okwenzakala ezabelaweni ikakhulu edabeni lodlakela.mm
Lokhu kwenzakala abatshayeli bezimota ezisetshenziswa kuhlelo lokuqoqa imbono kazulu ezangena kusisekelo sombuso esitsha bebikwa bekhalele umsebenzi okwesikhatshana lamuhla esigabeni se Manicaland besola ukungabhadalwa iholo.
Lanxa abanye abaqhatshwe kuloluhlelo beholisiwe, uhlelo lolu lokhe lubhekane lengxaki ezithile, ezigoqela ukuswelakala kwemali eneleyo yokusebenzisa, amabhuku alotshwe ngendimi zesintu eziqondileyo, lokunye okunengi-nengi.
UMnu. Edward Mkhosi, umgcinisihlalo wekomiti yedale lephalamende ebona ngokulotshwa kutsha kwesisekelo sombuso, utshele uSithandekile Mhlanga we Studio 7 ukuthi okuhluphayo yikuthi imali esetshenziswayo kayiphumi esikhwameni sikahulumende.