Inhlanganiso zabasakhulayo zithi kumele uhulumende engakhethi intsha yeZanu PF kuphela ukuya kwele india ukuyafundela ukulolonga amadayimana kulandela isivumelwano sokuthenga amatshe la aligugu ngele India. Inkampani ye India, i Surat Rough Diamond Sourcing ilobelane isivumelwano lohulumende weZimbabwe sokuthenga amadayimani abiza amadola edlula ibillion elilodwa lamadola eMelika-US$1.2 billion.
Phansi kwesivumelwano lesi uhulumende weZimbabwe kuzamele athumele abasakhulayo abayinkulungwane ukuyofundela umsebenzi wokusika lokulolonga amadayimani. Isiphathamandla senhlanganiso yabasakhulayo, iZimbabwe National Youth Development Trust, uMnu. Meli Dube utshele iStudio 7 ukuthi njengabatsha bazakhankasela ukuthi kungasiwa abasekeli beZanu PF kuphela.