Uhulumende we Zimbabwe usebumbe isikhwama semali yokubhadala imali yemihloliso yabantwana abadubekayo abazinkulungwane ezilitshumi lanhlanu.
Iziphathamandla zika hulumende zithi limali isikhona ezabelweni zonke zelizwe njalo kumele abalabantwana okumele bayithole babhalele emahofisini ezemfundo kungakafiki umhlaka 27 walinyanga kaNkwenkwezi.
Zithi uhulumende uzabhadalela umntwana munye ngamunye amatshumi ayedlula isithupha samadola eMelika eyemhloliso ye Ordinary le Advanced level.
Kukhangelelwe njalo ukuthi abantwana abakusimo esifanayo abasezifundweni zaphansi babhadalelwe imali yesikolo zinhlanganiso ezizimele zodwa ezigoqela le United Nations Cultural and Educational Fund.
Umqondisi we Bulawayo Progressive Residents Association uMnu. Roderick Fayayo uthi imali yokubhadalela imhloliso yabantwana besikolo abadubekayo ilakho ukuqanjulwa ngabanye abantu abasebenzela uhulumende.
