Uhulumende ubikwa esithi usekhweze intengo yokuwoda umumbu lezinye izilimo ezigoqela uphoko, amabele, lenyawuthi ngendlela yokukhuthaza abalimi ukuthi bethuthukise isivuno elizweni.
Ithani elilodwa selizathengwa ngamadola afika phose amakhulu amane, i $385 , njalo uhulumende usiphe isiphala se Grain Marketing Board amadola afika kuzigidi ezingamatshumi ayisithupha-$60million, ukuthi siqalise ukuthenga umumbu.
UMnu. Deon Theron umkhokheli wenhlanganiso ye Commercial Farmers’ Union of Zimbabwe utshele iStudio 7 ukuthi nxa uhulumende efuna ukukhuthaza abalimi, kufanele ebanike amalungelo omhlabathi wabo ukwenzela ukuthi bewasebenzise ekubolekeni imali yokuthenga okokulimisa.
UMnu. Mandla Nkomo, ingcwethi kwezokulima utshele uSithandekile Mhlanga ukuthi abantu makhaza sebezathenga umumbu lempuphu ngemali ephezulu.