Kulandela ukuqhamuka komlilo otshise imitshina yokusebenzisa ehofisini ka Registrar General ngeSonto, uhulumende weZimbabwe uthi usamile kancane ukupha abantu ama passport lezinye incwadi aze alungisise loludubo njalo athenge imitshina emitsha.
UNkosikazi Theresa Makone, omunye wabaphathintabo bogatsha olubona ngokwenzakala elizweni uthi lesisehlakalo asisoze siphazamise uhlelo lwezizalwane zeZimbabwe ezihlala kweleSouth Africa ezimelele ukuthi incwadi zazo zilungiswe nguhulumende ukwenzela ukuthi zihlale kulelolizwe ngokusemthethweni.
UMakone ungezelele wathi kakholwa ukuthi kulabantu abaqalise lo umlilo ngabomo, njalo ugatsha lwakhe soluzahlolisisa kakutsha udaba lokwamukela umtshina we South Africa owenza amapassports amanengi ngelanga.
USithandkeile Mhlanga owe Studio 7 uxoxe loMnu. Ngqabutho Dube, ilunga le Stakeholders Forum ephathisa izizalwane zeZimbabwe ekubhaliseni kuhlelo lokuthola amapermits ngalolu daba.