Iziphathamandla zogatsha luka hulumende olwe Public Service Commission, zibikwa zibhoda-bhoda ezikolo ziloba amabizo ababalisi abafika bezihlaele emsebenzini bengasebenzi, ngendlela yokukhalala umsebenzi.
Inhlanganiso ye Progressive Teachers’ Union of Zimbabwe, PTUZ, ibika ukuthi kwezinye indawo, amankampani asexotsha ababalisi abangafundisiyo ezindlini zawo, njalo udlakela phakathi kwababalisi labasekeli bebandla leZANU PF, luyaqhubeka kwezinye indawo ze Mashonaland.
Kusenjalo uMnu. Sifiso Ndlovu, isiphathamandla se ZIMTA, utshele uSithandekile Mhlanga we Studio 7 ukuthi ukukhalala umsebenzi lokhu sokuhle kutshengisela impawu zokuxega kwenyathelo leli.