Ngeviki edluleyo besokulemibiko yokusilela kwamafutha ezimota elizweni okubikwa kubangelwe yikwehluleka kwenkampani yamafutha eye National Oil Company of Zimbabwe-NOCZIM ukuwaletha.
INOCZIM ibikwa ingelamali yokuthenga lokungenisa amafutha ezimota elizweni. Ngeviki edluleyo indwendwe ezimfitshane besezitholakala emadolobheni afana leBulawayo leHarare lapha lalaphaya. Kodwa ngoMvulo koBulawayo amagarage amanengi abikwa ebonakale eselawo amafutha.
UBrenda Moyo weStudio 7 ukhulume losomabhizimisi wakoBulawayo uMnumzana Alex Goosen othi ukusilela kwamafutha obesekukhona akuzange kuphazamise kangako ezamabhizimisi.