Inhlanganiso yomanyano wamazwe awe Europe eye European Union uthi kuyancomeka osekwenzwe nguhulumende weZimbabwe emizameni yokuhlonipha ilungelo likazulu. Lokhu kuphume emhlanganweni wokuvuselela ubudlelwano phakathi kwamacele womabili owenziwe liqula leZimbabwe lesiphathamandla salumanyano esibona ngobudlelwano lamanye amazwe, uNkosikazi Cathrine Ashton eBrussels kwele Belgium ngolweSine.
Kodwa lumanyano, okhuthazwe liqula leZimbabwe ukulahla izijeziso zenotho ezafakelwa uMongameli Mugabe labanye bakhe abe Zanu PF, uthe isinqumo sokwenza lokhu sizethulwa ngenyanga kaNtulikazi.
Iqula leZimbabwe libalisa uMnu. Patrick Chinamasa, owe Zanu PF, uNkosikazi Priscilla Misihairambwi Mushonga owecele le MDC elikhokhelwa nguMnu. Welshman Ncube loMnu Elton Mangoma owecele leMDC elikhokhelwa nguMnu. Morgan Tsvangirai.
UChris Gande oweStudio 7 uxoxe loNkosikazi Misihairambwi Mushonga ukuze sizwe okunengi ngaloludaba. Ukuhlaziya loludaba uGande uphinde waxoxa lengcwethi ecubungula ezombusazwe, uMnu. Effie Dlela Ncube.