Inkampani eqoqa umbukiso wezamabhizimusi owe Zimbabwe International Trade Fair-ZITF, ithi umbukiso walonyaka mkhulu ukwedlula owanyakenye lanxa amazwe angentshonalanga engekho. Lumbukiso ovulwa ngoLwesibili ukhangelewe ukuphawulwa ngoLwesihlanu.
Umbukiso walonyaka wehlukile loweminyaka yonke selokhu wasungulwayo ngoba akulamkhokheli welinye ilizwe ozavula lumbukiso okusemthethweni.
Umqondisi wenkampani ye ZITF, uMnu. Daniel Chigaru utshele iStudio 7 ukuthi umbukiso lo ukhangelelwe ukuletha ibhizimisi elikhulu kakhulu.